#1137 請問王生幾條問題

小豬當天晚上看畢 #1137 的成績表 , 在第二天早上便沽盡所持 . 王先生真叫令小豬失望 .

有人可能會對小豬說 : "#1137 虧損收窄了 , 邊際利潤上升了 , 固網營業額增加了 ... 等等" . 這也是 #1137 在其成績表所標榜的進步 . 小豬才疏學淺 , 有些小項目不大明白 , 想找個機會問道王先生 .

1. 應收賬款 , 相比2005年度 +75.33% . 其中超過90天的應收賬有$114,924,000 , 相比2005年度 +51.22% . 收回有困難嗎 ?

2. 呆壤賬撥備減少了 , 其中一項是更新評估就應收流動互連費用之前所作之壞賬撥備 , 由 2005年 $44617000 減至 2006年 $20809000 . 條數同其他parties都未講掂 , 橫掂又撥左 , 點解要減 ?

3. 利息支出好大 , 十年票據利息由 2005年 $52372000 增至 2006年 $85235000 , +62.75% . 真係賺多多都唔夠比息 , 點好 ?

4. 員工關係項 , 2007年會反映精簡人手之得益 . 得益 ? 好多 ?

5. 2006年下半年資本開支勁小 , 由上半年 $234000000 減至 $89000000 , -61.97% . 應該係建網將近完成 ? 全香港 covered 由 120萬戶 升至 180萬戶 , 我點解未有 ?

6. 據小豬所知 , 差不多所有大型屋苑都入唔到線 . 因為發展商的下線公司用低成本經營和獨佔所至 . 這一群高消費者的生意做不成 , 怎麼辦 ?

7 . 節省開支不是長久辦法 , 要開源 , 對嗎 ? 是否因為要維持 Quality (全球首家達至Cisco Powered Network 都會以太網 服務質素認可地位的服務供應商), Bandwidth 已經用盡 ?

8. IDD已明日黃花 , voip又賺得"雞碎禁多" , 固網又唔可以長速加大盈利 , cable tv又唔掂當 , 不如止血 , 集中火力再上路 ?

9. 既然舊年都大力闊斧撥備 , 不如撥多一兩年 , 好過比股東一些短暫開心 ?

10. 未來的競爭的壓力可不小 , 營運成效是否能繼續改善 . 但最要緊的還是 , 王生 , 最近有否人仕"問價"?